Kan hma lawk a Village Council General Election kan neih tura Mamit District, Draft Roll 2015 chu vawiin khan DLAO Conference Hall, Mamitah Pu K. Lalthawmmawia District Election Officer, District Bawrhsap ni bawk chuan a tlangzarh.
District Election Officer chuan kan hma lawkah Village Council Members tur te kan thlang leh dawn a, Democracy ram kan nih angin zalen taka kan mi duhtak te vote theihna turin zalenna kan nei a ni a ti a, kan zalenna hmang thiam theuh turin Vote nei zawng zawngte a chah a ni, hun chep tak kara Draf Roll tlangzarh a nih theihnana rim taka thawktu Election Officials te chungah lawmawm a tih thu a sawi bawk.
Mamit District chhunga Village Council Draft Roll tlangzarh ah hian Vote nei mi 51229 awmin Village Council 88 leh Sub Villages 8 a awm bawk a ni. Heng bakah hian District chhung khaw hrang hranga Vote nei tam leh tlem dan chu hetiang hi a ni-
Village Council with highest household-Lengpui-687, Tuipuibari-581, Kawrtethawveng-441
Village Council with least households-Khawhnai-49, Hreichuk-52, Bawlte-53
Village Council with highest Voters-Lengpui-2069, W.Phaileng-1471, Kawrtethawveng-1455
Village Council with Lowest Voters- Vawngawnzo-114, Hreichuk-149, Phaizau-166 te an ni. Mipa leh Hmeichhia inthlauhna hi 970 a ni.
Vawiin a Draft Roll tlangzarh inkhawm hi Pu Malsawmtluanga Election Officer chuan a kaihruaia, he hunah hian ERO/AERO, VLO, Tlawmngai Pawl hruaitute, Political Party hrang hrang aiawhte leh thutharthehdarhtute an tel a ni.
Vawiin vek khan Village Council Darft Roll 2015 chungchangah Training ERO/AERO leh VLO ten DLAO Conference Hall-ah hian an nei nghal a ni.
