Green Mizoram Day 2015 hman dan tur ngaihtuahin vawiin khan DC Conference Hall Champhai-ah Green Mizoram Committee, Champhai District member-te thukhawmin, Pu R. Vanlalsawta, Addl. DC  chuan meeting hi a kaihruai a, Department leh school hrang hrangte mawhphurhna tur rel a ni.

Kum dang ang bawkin tun thla June ni 11 khi Mizoram pumah ‘Green Mizoram Day’ atana hman tur a ni a. Champhaiah pawh a hawnna inkhawm hi zing dar 10-a CHANEM building kawtah hman tura ruahmanna siamin, Inkhawmtawi neih a ni ang a. He hun hi Pu Vanlalchuailova DFO Champhaiin a kaihruai ang a, Pu H Lalengmawia IAS, Champhai DC chu Khuallian a ni ang. He hunah hian kum 2014-2015 chhunga ram ti kang lo khua 5 te hnenah lawman sem a nih bakah Special Award sem a ni ang.

Kum dang ang bawkin thingphuna hun hman leh tur a ni ang a. Hmun hrang hrang 11-ah thing tiak 950 phun tura ruahman a nih bakah kum danga thing phun tawhte en thlithlai nghal tura rel a ni a. Sorkar Department kum danga thing la phun ngailo, ram nei si an awm chuan an ram theuhvah phun ve turin leh, phun tawh thin department-te chuan a nungsa tuaihnum a, a thite thlak ni se ti a rel a ni.

‘Green Mizoram Day’ hi state pum huapin ni 18 June, 1998 khan hman hmasak ber a ni a, kumin hi a vawi 16-na a ni dawn a. Kumin thupui atan hian ‘I dam khawchhuah nan thing phun rawh’ tih vuah a ni.

 

Attachment

  • Loading attachment...