Vawiin chawhma dar 9:00 khan Champhai District Court ah India rampuma an neihrualin Lok Adalat neih a ni.

State Bank of India atanga loan la, hun reitak rul tawhlote leh harsatna hrang hrang avanga loan rul tha theilo mi 211 kohkhawm an a, loan an rulh theih dantur ngaihtuahsak an nih bakah, hamthatnate siamsak an ni a. Hei bakah hian, loan puktuten loan rulhtur an la neihte a pung awm lovin hemi ni hian rulhna hun siamsak an ni a, hemi ni vek hian an loan la bat atanga 10% an rulh theih chuan ala bang zawng chu thla 3 chhung hun pek leh an ni.
        
State Bank Of India atanga loan la, hun rei tak rul tawhlote an kal tha thawkhat hle a, Lok Adalat member leh Chief Judicial Magistrate leh SBI Staff ten an loan bat te an lo chinfel pui a, mipui tan a hlawkthlak hle a, hriat loh vanga loan rul thalote pawh hemi ni hian an rulh dan tur te hrilh an ni a, a pung te pawh ngaihdam an ni bawk a, Loan la rul thalo leh rul kimlo tam zawk te chu Lok Adalat kaltlang hian chinfel an ni.