Vawiin khan Kolasib District chhunga Assembly Constituency pathuma duty tur polling party 33 te chuan te chuan an duty na tur panin an chhuak ta a, tukin zing dar 8 atang khan DC office atanga Electronic Voting Machine la chhuakin polling party tinte chuan an duty na tur theuh an pan nghal a, heng duty turte hi DC Pu Jitender Yadav, IAS leh Officer dangten an thlahliam a ni.

Tarlan tawh angin Kolasib District chhungah hian polling station 76 a awm a, naktuk Pathianni khian polling party 43 te chuan an duty na hmun theuh an pan leh dawn a ni. Kolasib District chhungah hian polling station eng awmlohna khaw pathum Rastali, S. Chhimluang leh N. Thinglian te an awm a, henga duty te hian Solar lamp an keng a ni.