Vawiin khan Industries Department hnuaia Champhai North cluster-a NLUP beneficiary 108-te hnenah NLUP tanpuina 2nd Phase installment hnuhnung ber chu SDIO Office-ah sem a ni.

Vawiin NLUP semna hun hi Pu Siamhlira, Sub-Divisional Industries Officer chuan a kaihhruai a. Ram hruaitute leh department hotute leh thawktuten an tana tha leh ngaihtuahna an sen nasat zia ngaituah chunga beneficiary ten theihtawp an chhuah ve a beisei thu a sawi a. He hun hi Pi Emily Lalrinpuii, DIPRO, Champhai chuan hmanpuiin, NLUP tanpuina avanga hlawkna tel tam tak an awm laiin, dawngtute’n an duhthlan ngei hnathawhna a hman tur tanpuina an dawn hmang tha peihlo an awm thin chu thil duhawmlo tak a nih thu sawiin, vawiina tanpuina sem chu din chhuahpui ngei tura bultanna ni se a tih thu a sawi a ni. Beneficiary atangin NLUP avanga hlawhtlinna an neihte ngaihthlak a ni bawk.

Champhai North cluster-a NLUP hmalak dan enfiah tawh atangin 2nd Phase-ah hian beneficiary zinga 90% chu hma la tha ah SDIO, DIC Champhai chuan a puang a. Trade hrang hrang 24-a beneficiary 109 zingah pakhat hma la lo a awm avangin tanpuina hi mi 108 hnenah sem a ni. Industries Department hnuaia Champhai North Cluster-a NLUP Operation area hian Village Council 16 a huam a ni.