Vawiin chawhma dar 10:30 khan Champhai-ah Industry deptt. hnuaia NLUP dawngtu chhungkaw 135 hnenah tanpuina sum Rs. 20000 (singhnih) theuh pekchhuah an ni.

NLUP tanpuina semchhuah inkhawm-ah hian Pu Siamhlira SDIO Champhai chuan NLUP tanpuina dawngtute’n taima tak leh rinawm taka eizawnna nghet leh rotling atan an hman a, hlawhtlin pui vek tur a a duhsak thu a sawi.

Vawiina NLUP tanpuina semchhuah hi chawhma leh chawhnu ah neih niin chawhma dar 10:30 khan Vengsang, Kahrawt, Hmunhmeltha, Zote, Ngur, Tualpui, Ngaizawl leh Neihdawn te hnenah sem a ni a, Chawhnu dar 1:00 ah Tuipui, Chhungte, Dinthar, Kanan, Electric leh Venglai te hnenah semchhuah leh a ni.

Industry Deptt. hnuaia NLUP 2nd Phase ah hian hian Beneficiaries 832 awm in Trade 23 a awm a ni. Tunah hian Industry Deptt. hnuaia 2nd Phase 1st Installment atana Pawisa Sanction zat hi Rs. 18276000 a ni a, mi 814 hnenah he sum hi sem mek a ni. Amaherawhchu Auto Rickshaw mi 19 te chu 1st Installment pek turah hian an la tel thei rih lova, sorkar-in a hranpa a a rawn sanction tur a dahthat rih a ni. Naktuk chawhma Dar 10:00 hian Bethel, Vengthar leh New Champhai te hnenah sem chhunzawm a ni leh ang a, chawhnu Dar 1:00 ah Tlangsam, Zotlang leh Ruantlang te hnenah semchhuah leh tur a ruahman a ni.