Vawiin chawhma dar 10 khan Champhai DC Conference Hall ah Information Security Awareness chungchang ah Workshop neih a ni a. Workshop hi Champhai District Bawrhsap Pu Vanlalngaihsaka IAS in a kaihruai a, Pu I.L. Narashimha Rao, Project Manager, ISEA-II Department of Electronics and Information Technology, Minister of Communication Technology, Hyderabad chuan hacker (internet kaltlanga Information ruk ching) te lak atanga sawrkar leh mimal Information pawimawh venhim dan Head of Office kalkhawm te chipchiar tak in a zirtir.

Workshop kaihruaitu Champhai District Bawrhsap Pu Vanlalngaihsaka IAS chuan hacker te lak atanga sawrkar information venhim chu officer tin te mawhphurhna a nih thusawi in Information Security Education & Awareness (ISEA) hmalakna a District Officer te tan workshop tha tak a buatsaih chu lawmawm a tih thu a sawi bawk. Workshop ah hian ATM, email, facebook, whatsapp leh social network hrang hrang kaltlang a hacker ten information pawimawh an lakkhawm dan te entirin information ruk ching te laka invendan tur entirna hmang in a zirtir a. Workshop chhimtu te hnenah Information Security Awareness Hand Book a thlawn in a sem bawk.

Information Security Awareness Workshop ah hian Champhai a Head of Office te telin an hlawkpui hle.