Vawiin chawhnuah khan Chief Minister's Conference Hall ah Health Minister Pu Lal Thanzara hovin State Medicinal Plants Board(SMPB) member te an thukhawm.

SMPB meeting hi Health Minister Pu Lal Thanzara, SMPB Chairman ni bawk chuan a kaihruai a. Meeting ah hian Mizoram chhunga ramhmul damdawi chi hrang hrang te zawnchhuah leh hman tangkai dante chakzawka kalpui a nih theih dan te sawiho a ni a. SMPB in term thar a hmanchhoh leh turah member ruat chungchang te rel ni in SMPB in hmathar lak a tum dan te zirchian a ni.

SMPB PLAN 2016-21 hun chhungin 1,00,000 Hectare a zau ah ramhmul thlai chin tum a ni a, nursery 50, thlai dahthatna godown 16, thlai phoro-na leh thliarfelna hmun 8, ramhmul damdawi siamna tur hmunpui 1 leh ramhmul damdawi siamna tenau 2, SMPB Hut 8, Demonstration farm 8 leh thlaichi sawngbawlna hmun 1 siam tum a ni.