Vawiin chawhma dar 11:00 khan I & PR Auditorium, CHANEM ah International Anti-Corruption Day 2012 chu hman a ni.
Pu James Lalnunmawia, SDO(S) kaihhruai International Anti-Corruption Day hmanna mkhawm ah hian Pu Zoengsanga, AddLD.C Champhai chuan khuallian niin he hun hi a hmanpui a. Khuallian chuan corruption awmzia chu thil anih tur ang nilo ,a hmanna tur a hman ni lo hi a ni bera, he kan damchhung tawiteah hian Pathian duhzawnga hun kan hman a, dikna leh thianghlimna urn zel a kan nitin hna kan thawh hi a pawimawh takzet a , hlau leh khur chunga I siamtu Lalpa tawh nge I duh thlamuang taka tawh, chuvangin Pathian tih chungin kan nitin hna hi thawkin kan ram hi siam that I turn ang u a ti a.
Vawiin ni a Resource Person Pu C.Lalremliana Secretary District MPF chuan kan hman mek Anti-Corruption Day hi a hlawhtlinna chu a hnuah a lang chhuak ang, eng hna thawk pawh ni ila ,sum leh pai lakluh dan dik leh dik lo chu an sum hman danah a lang chhuak thin a, mahni thawh phu lova in leh lo nei tha chapo thinte hi an mahni an inngaih aiin mite hian kan lo ngainep tawh a, Mihring tute mah hi duanghlim famkim an awm lo tiin an inthiamchawp thin ani tiin heng ang mite, mi chan ai la thin te hian khawtlang, ram leh chhungkua anti buai a, an tluang tak tak thei lo ani tiin Revolution lo chhuahna bul anih tawh thu leh kan ram pawh hi he hlemhletna laka kan fihlim loh chuan kan hmabak chu revolution a ni mai ang tih a hlauh thu a sawi a ni.
Dr.Ramdinthara, President PRISM Champhai District pawhin he ni pawimawh tak kan hman hi a nihna tur ang taka hman niin, hlawhtling thei se a duh thu a sawilang a ni.
Vawiin International Anti-Corruption Day 2012 pUal hian zirlai te tan Essay, Debate leh Article inziahsiak te buatsaih a ni a, heng mite hian lawmman an dawng a ni-
• Mizo Section (Essay) 1st Prize- Malsawmdawngzuala, cl-xii, GMHSS’
• .English Section (Essay) 1st Prize- Zosiamkimi, Cl-xii, GMHSS’
• .Debate (Mizo) - 1st Prize, Lalhmachhuana, GovtChamphai College’
• Debate (English) 1st Prize- Lalramhluna, Govt.Champhai College
• Article ziak tha ber Rihhpui Daily Newspaper.
