Vawiin chawhnu dar 2:00 khan Saikuti Hall ,Lunglei ah Eiruk Dona Ni chu hman ve a ni a. He programme ah hian Lunglei Bawrhsap Pu V.Sapchhunga chu khuallian ah hman an ni.
Bawrhsap chuan Mizoram bik ah chuan corruption dona in a hmachhawn hmasak ber tur chu sawrkar hnathawkte an nih thu a sawi. Mipui tam zawk rilru a intuh nghet tlat tawh ni a lang sum awlsam leh kuttling lova sum hmuh tumna te hian sawrkar hnavuan tute pawh thlemna ah a hruai lut nasa hle a ni , a ti. Tupawh in mahni a fihlim tumna kan neih hmasak loh chuan corruption hi a reh mai lo ang a,corruption do chungchanga thusawi ngam pawh an tlem telh telh mai ang tih a hlauhawm a ni , ati.
Programme hi Pu H.Lalthansanga President MJA ,Su. Hqtr. Lunglei in a kaihruai a.He ni puala intihsiakna chi thum a lawmman latu ten Barhsap hnen atangin lawmman an dawng a ni. December ni 3 leh December 8 inkara corruption do na kawnga chanchinbu editorial ziak tha zing ah Daifim chu pakhatna niin Zoram Herald leh Lunglei Times ten pahnihna leh pathumna an hauh thung . Saptawng a Essay in ziah siak ah Pakhatna F.Nghakliana,Baptist Higher Secondary school ,Pahnihna R.Zodinthara, Govt. HSS leh Pathumna CV. Lalrammuani, Govt. HSS te an ni a. Mizotawng Essay inziahsiak ah C.Remsangzuala, Govt. Leitlangpui HSS chu pakhatna niin Laltanpuia Govt. Vanglai H/S leh C.Lallawmzuali, Govt. Leitlang H/S ten pahnihna leh pathumna an hauh thung a ni.
Intihsiakna dang Debate competition chu date 8-12-2012 khan HATIM College ah neih niin Lunglei khawchhunga Live telecast a chhawpchhuah a ni a.He intihsiakna ah hian Mizo section ah R.Lalnunkima, HATIM ,Joseph Lalrinawma ,HATIM leh FC.Lalhruaizela Govt. JB College te chu pakhatna, Pahnihna leh pathumna a puan an ni a. English section bikah B.Lalthlamuanpuia,HATIM, Lalramdinpuia,Govt. JB College leh Lalruatmawia, Govt. JB College ten pakhatna, pahnihna leh pathumna an hauh thung.
