SIRD Kolasib bultumin ni thum awh MGNREGS thawktute tana training buatsaih chu vawiin ni 10th December 2012 hian DRDA Conference Hall, Mamit-ah Pu V. Lalremthanga IAS, District Bawrhsap in a hawng.

Hawnna hun Lalthanmawia Course Director, SIRD kaihhruaiah khuallian chuan thusawiin hnathiam tur chuan training hi a pawimawh a, hnathiam tum te chuan training hi an ngai pawimawh thin a ni a ti MGNREGS pawh hi Mizoramah kum 7 dawn lai kan hman tawh hnu pawhin anihna dik tak la hre tawk lo kan awm thin hi a pawi takzet a ni tiin Dan anihna hriata Dan bawhchhe lo tura, hemi hnuaia thawktu hrang hrang, VLA atanga DPC thlengin theihtawp kan chhuah a tul hle a ni a ti bawk.He training hian rah tha a chhuahin kan hnathawhna-ah pawh a tha lama danglamna a thlen ngei a beisei thu a sawi bawk a ni.

Trainingah hian Pu C.Lalpeksanga Project Director DRDA pawhin thusawiin Annual Action Plan pawimawhna te, Social Audit nihphung te sawiin DRDA Mamitin MGNREGS hnuaia hna a thawhdan tlangpui report a pe a, thawktute chu Demand Driven Scheme anihna anga kalpui tum nise tiin he scheme hnuaiah hian kawnglaih chauh nilo mipui vantlang tana rotling siam theih anih thu te, mirethei khaichhuak thei zawnga hmalak a pawimawh thu te, vantlang te nena thawhho a pawimawhthu leh mahni bial chan theuh uluk lehzuala kan vil a pawimawh thu a sawi a ni.

District chhung BDO te hnena tangin an block huam chhung theuhva ni 100 in hlawhna an kalpui dan ngaihthlak a ni bawk a.

He training hian tunkar nilaini thleng a awh dawn a ni.