Vawiin khan ni hnih awh tur loneitute hnenah an thlai chin te enkawl dan leh a kalphung te inzirtirna hun I&PR Auditorium Hall ah neih a ni a, DAO Pu George Lalthanngura chuan a hawng.

DAO chuan Training hi koh a nih avanga kal ve ngawt emaw DA a awm dawn avanga kal ve sa tliah ni mai lova, training a nih anga thiam thar pakhat tal nei tura heng training hlu tak an neih thin chu rilru pe chunga hun hman tum turin a sawm a, vawiin a an zir ho tur hi tunlai a lonei tu tam zawkte buaina tawh mek a nih avangin uluk taka ngaithla a, a la tawng ve lo te leh a tawng tawh te pawhin engtia tih zel tur nge a nih tih te an hriat theihna tur a nih avangin uluk taka resource person te thusawi ngaithla turin a sawm a, thla hrisel tha nei tura an tih tur pawimawh tak tak te an ngaihthlak tur thu sawiin ni hnih awh tur training hi a hawng a ni.

He hun hi Pi Lalthasangi, Course Co-Ordinator chuan kaihhruaiin ni hnih chhung training an neih turah hian kal kim thap zel turin a ngen a, inhmelhriattirna a nei nghal a ni.

Trainingah hian Pu C. Lalhriatpuia, DPD & i/c PD, Pi Lalzarzovi AEO leh Dr. M. Chinlampianga, DPD te chu resource person atana an niin an ni hian thlai enkawl dan tur kawng hrang hrang ah zirtirna an pe a, thlai hrisel an neih theihna tura a bul thut pawimawh tak tak leh thlai hrisel lo a lo awm chhan te an hnen atang hian ngaihthlak a ni a, thlai tichhe thin tu a hrik leh rannung chi hrang hrang chungchang te, thlai hrisel neih theihna tura a hmun lei tha leh hrisel neih dan te bakah thlai hrisel neih theihna tura kawng hrang hrangah zirtirna an pe a, thla hrisel neih theihna tura a pawimawh ber te zing a mi chu thla chi mithiamte’n a tha a, a hrisel a ni tih an chian chauh an hman a pawimawh thu leh thlai chi hrisel nei turin Department ah dil leh zawh theih reng a nih thu te an hnen atang hian ngaihthlak a ni.

He hunah hian ATMA hnuai a lo nei tute, ATMA farmer Friend te, Agriculture leh a kaihhnawih atanga loneitu hrang hrang te’n he training programme hi chhimin hun hlawkthlak tak hman ho a ni.