Vawiin khan I&PR Conference Hall, Champhai ah Champhai District chhunga Medical Officer zawng zawngte District Vector Borne Diseases Control Programme buatsaihin Training pek an ni.
Dr. R. Lianmawia, District Malaria Officer, Champhai chuan Medical Officer te 'Khawsik; Malaria nia rinhleh ten rang taka ASHA, Sub Centre leh damdawi in a thisen exam tirna chang an hriattheih nan zirtirna uar turin a chah. Tunlai hian Malaria Dona kawnga zirtirna pe in State Vector Borne Diseases Control Programme thawktute chuan District hrang hrang an luh chhuah mek a ni.
Training hi Dr. C. Zirliana, Chief Medical Officer kaihhruaina hnuaiah neih niin, Dr. J. Lalramchhuanga, MD; Dr. Janet Zoremnghaki, Pathologist, District Hospital, leh Directorate of Health Services atangin Dr. C. Zorammuana, M&E Consultant leh B. Lalcrossengmawia, Statistical Assistant ten zirtirna an pe.
