Vawiin chawhma dar 10:00 khan Champhai DC Pu Lalthangpuia Sailo, IAS kaihruaiin DC Conference Hall-ah MLA Election lo awm tur atan Media Certificate & Monitoring Committee hnuaia peng hrang hrang zinga rate chungchang rel ho tawh party hrang hrang aiawh ten an thlir ho.

MCMC hian inthlan lo awm tur atan vawi engemaw zah meeting a lo nei tawh a, chutah chuan chanchinbu rate, hotel leh restaurant rate, bungraw hrang hrang hawhna man te, banner, sound system leh pandals etc,. hmanna man chungchang rel ho a lo ni tawh a ni. Vawiin meeting-ah hian party hrang hrang aiawh ten chung rate hrang hrang meeting hmasa lama lo rel ho tawh zawng zawngte thlir hona neih pahin motor chi hrang hrang hire na rate an sawiho a. Chung an thlirho te chu party hrang hrang aiawh te nen hian sawi ho leh niin Association hrang hrang rate dinglai ang zulzui ang deuh chuan Candidates te expenditure chu committee chuan a chhut sak dawn a ni.

Election Returning Officer Pu Zothanmawia chuan vawiin meeting in a rel ang chu party tin te zawm tura sawmin, mahni thu a ngaihdan lo siam ngawt lovin, thil hriatchian duh leh hriatfiah lovah committee chu rawn zel turin a chah a ni.