Vawiin chawhnu dar 2 khan Champhai DC Conference Hall-ah MLA General Election 2013 lo awm tur atana MCMC Meeting neih a ni.

He meeting hi Pu Zothanmawia ERO chuan kaihruaiin Inthlanpui in a kaihhnawih te zinga pawimawh tak Chanchinbu leh Media hmanga candidates te sum sen lo endiktu tur MCMC chuan rate hrang hrang hriat a tul thu sawiin chanchinbu hmanga thu chhuah, Motor Hire-na leh Hotel & Restaurant rate te thlirho nghal a ni a, he hunah hian thuthar thehdarhtu, motor neitu pawl hrang hrang leh Hotel leh Lodge enkawltu/neitu te an tel a, inthlan hun laia hmanrua leh bungrua chi hrang hrang hman hawhna te, lirthei hman man leh Hotel hman man leh ei leh in mante sawiho a nih bakah Chanchinbu leh Cable TV a Advertisement Rate chungchangte sawiho a ni a, rate dinglai te tidanglam lovin hman nghal nise tih a ni.

MCMC te hi Aizawl-ah Inrinni meeting turin an liam thla leh nghal ang.