Vawiin chawhnu dar 3:30 khan United Nations, Food and Agriculture Organisation (FAO) team te chuan Aizawl, Lengpui Airport an rawn thleng a, tlai dar 4:30-ah Agriculture Minister Pu H.Liansailova office-ah Mizoram Officials thenkhatte nen meeting an nei nghal.

FAO Team hi India rama an hotu ber Dr. Peter Kenmore, Agriculture Ecology lam mithiam hovin, a nupui Zenaida Flores Kenmore, Anthropology lam thiam leh Agroforestry mithiam Dr. Antonia Paliwal te an ni.

Naktuk lamah Hnamchhantu hmunphiah siamna, Seling, Baktawng Aloe Vera Proccessing Unit, Carpentry leh bel siamna leh Chhuanthar Centre an tlawh anga, Serchhip-ah kalin DC leh Officials ho nen an inkawm zawhah, Thenzawl puantahna hmun an tlawh anga, Aizawl-ah an lo let leh ang.