Food, Civil Supplies & Consumer Affairs Department thuchhuah chuan Mizoram in LPG a dawn thin za zel a 70 vel chu Mualkhang Bottling Plant atanga siam chhuah leh a bak za zela 30 vel chu Silchar lam (Borkhola) atanga rawn pek nih thu an tarlang.

Tunlai fur ruahtui tam leh kawng tlang that loh avangin duh angin Gas phurtu motor te an rawn thleng tluang thei lova. Department in vawiin a IOC lam atanga report a dawn hnuhnung ah chuan LPG Bullet trucks 64 Mualkhang Gas Bottling plant a rawn phur lut tur (214 metric tonnes = 19,584 gas cylinders) vel chu Mualkhang kawng ah a thang mek a ni tih an rawn sawi. Hetih lai hian IOC lam chuan Durga Puja avangin thawktu mi engemawzat in chawlh an la dawn a hemi avangin hian IOC lam hna khaihlak thei niin IOC lam chuan an rawn hriattir a ni.

Hetiang anih avang hian he mi hun chhung hian Department chuan Gas renchem zawk a hmang hram hram turin mipuite a ngen a, hemi harsatna sukiang tur hian department chuan theihtawp a chhuah reng a ni.