Vawiin chawhma dar 10 khan Micro Observer te tan Champhai DC Conference Hall ah Mr. Santosh Kumar IAS, Mr. Ashok Kumar IFS hovin training neih a ni

He training ah hian MLA General Election 2013 lo awm tura Micro Observer te tih tur leh an hna chanvo chi hrang hrang sawiho a ni a, Micro Observer te chu MCC dan kalh an hmu anih chuan report zel tura hrilh an ni a, an hna chanpual ah hian felfai taka ti tura hrilh an nih rualin tihsual palh leh theihnghilh palh a awm em tih te uluk taka enfiah turin hrilh an ni bawk.

Inthlan ni ah chuan Polling Station chhungah tute mahin Mobile Handset kenluh emaw mi biak emaw leklam emaw reng reng khap tlat a ni a, party candidate te leh a zuitute leh duty te pawhin hei hi an zawm tur a ni.

Vawiin training ah hian Mr. Santosh Kumar IAS leh Mr. Ashok Kumar IFS te chuan,  Micro Observer te hi General Observer hnuaia thawk tur an ni a, Observer chauh an ni a, Polling Party mi leh sa an nilo tih an inhre tur a ni. Hei bakah hian, Micro Observer te chuan Election chungchanga thil kalphung leh awmdan zawng zawng an hre hneh em em tur a ni a, EVM hman dan te bakah Election Commission in Micro Observer te tana inkaihhruaina dan a siam ang te an hre hneh em em tur a ni an ti.