Mizoram Legislative Assembly inthlan 2013 lo awm tura Champhai District a venhimna thawktu tur Nagaland Police te chuan Champhai an thuthilh ta.

Vawiin chawhma dar 11 khan Champhai District Election Officer, Champhai DC ni bawk, Pu Lalthangpuia Sailo IAS chuan Nagaland Police te chu kawmna hun a nei a, he hunah hian an duh zawng zawng chu tihhlawhtlinsak thei dawnlo mah se, an duh ang taka hna an thawh theih nan theihtawp chhuah pui a tum thu a sawi, DC chuan, inthlan muanawm leh felfai tak kan neih theihna tura venhimna uluk lehzual turin a chah a, ram tana rawngbawl an ni tih inhria a, uluk taka thawk turin a chah bawk a ni

He hunah hian 9 (NAP) Commandent Aotemsu L.K.R chuan Mizoram nuam a tih zia thu a sawi a, a bikin motor driver te fel zia leh thawhpui an nawm zia a sawi a, thil reng reng a hun leh hmun an hriat thu sawiin, a mai mai a horn an hmetlo te chu entawntlak tak a nih thu a sawi bawk a ni.

Nagaland Police Service (NPS) te hi 10th NAP (IR) 2 Companies leh 14th NAP (IR) 3 Companies, an vaiin 5 Companies ten Mizoram lo thleng tawhin Champhai District leh Kolasib District ah te venhim hna an thawk dawn a ni.

Attachment

  • Loading attachment...