Vawiin chawhma dar 11 khan Champhai DC Pu Vijay Kumar Bidhuri hovin a office chamber-ah District Sports Committee neih a ni. Ni 22 - 25 November, 2011 a Champhai in Mizoram University Sports (Football) an thlen tur chungchang ngaihtuah ho a ni.

Mizoram Univeristy Sports hi 22 November, 2011 ah hawn a ni ang a. Pi Esther Lalruatkimi IRS, Secretary Education chu khuallian tura beisei niin 25 November, 2011 hian kharna hun neih tur a ni a. A kharna ni ah hian Pu Vijay Kumar Bidhuri chu khuallian tura beisei a ni.

He Mizoram University Sports - Football ah hian Mizoram chhunga College hrang hrang 14 atangin tel tur an ni a. A tawiawm turte nen mi 300 vel mikhual beisei an ni. He mi ni atana mikhual thlenna tur leh inkhelhna tur hmun Chhangphut field lo chei dan tur te, tui leh eng changchang te vawiin hian ngaihtuah ho a ni a. DC in Rs. 10,000/- field lo cheibawl nan a pe nghal a ni.

Vawiin meeting ah hian Champhai District a head of office member te an kal tha hle.