Vawiin chawhma dar 11 khan DC Conference Hall ah DC Pu Vijay Kumar Bidhuri hovin NLUP Line Department meeting neih a ni.

He hunah hian Champhai District a NLUP Line Department hrang hrangte chuan NLUP a an hmalaknate an tarlang a. AH & Vety Department ah beneficiaries 1962 awmin hma la tha lo mi 3 an awm a, verification vawi 3 nei tawhin Village Level Minotoring Committee din fel a nih hunah 2nd Installment pawh hi pek an tum a ni. Sericulture Department ah chuan beneficiaries thenkhatin an duhthusam ram an nei lova, Changzawl, Champhai North leh South a beneficiaries te ten tunah hian VC te rawni n ram thar en mek a ni a, hmala tha lo leh paih ngai erawh an nei lo thung. Industries Department ah chuan beneficiaries 485 te hnenah 1st instalment sum pek tawh a ni a, heta tang hian mi 3 te chuan hma an la la lo a ni. NLUP dawngtute hnathawh dan hi tum khat an enfiah tawh.

Environment & Forest Department ah Khawzawla mau chin thlangtu mi 25 te chuan ram an duh ang zayt an neih loh thu tarlan a ni a, NLUP dawngtute hnathawh dan hi vawi 2 endik tawhin beneficiaries te hnenah ah hian 2nd installment an pe kim tawh a ni. Soil & Water Conservation Department ah chuan beneficiaries 354 awmin mi 13 te chu hma an la lak miah loh avangin paih an ni a, beneficiaries te hmalakna hi tum 3 endik tawhin Ngopa-a mi 150 te tih loh zawng chu 2nd instalment pawh pek an ni tawh a, vawiin khan Khawhai ah sem a ni bawk. Agriculture Department ah chuan NLUP dawng mi 917 awmin hmala tha lo mi 19 an awm a, heng mite hmalak dan hi tunah enfiah leh mek a ni.

Meeting ah hian NLUP dawng hmala tha duh lote chungchang ngaihtuah nghal a ni a. Hmala tha duhlote hi warning pek phawt a, chumi hnua hma an la lak duh loh chuan dan angin an chungah action lak tur a ni. Village Level Monitoring Committee Training dan tur pawh duang nghalin block level-ah Committee Chairman te kohkhawm nise tih a ni. Tun thla ni 28 hian Champhai RD Block-ah training hi Champhai North leh South cluster te tan buatsaih tura ruahman a ni a, ni 30-ah Khawbung RD Block ah East Tuipui cluster tan buatsaih leh tur niin October kar hmasa berah Khawzawl leh Ngopa RD Block ah Tuichang leh Lengteng cluster tan buatsaih a ni ve leh ang. He hunah hian Line Department tin aiawh an tel theuh dawn a ni.