Tun thla ni 17 a Falkawn Mizo khua a Mim kut hmanna ah khan thlai chhiah pawisa engemaw zat hmuh a ni a, Mim Kut Organising Committee chuan Thlai-chhiah tling khawm Rs. 7,000/- atang hian dailuah, alu, chini, artui leh biscuit te Motherless Babies Home ah vawiin khan an hlan a ni.
Motherless Babies Home Mizo Hmeichhe Tangrual pawl enkawl ah hlanna inkhawm tawite neih hi Pu R. Lalhmangaiha, Chairman in a kaihhruai a, Pu R. Liandawla, Fin. Secretary in hunserh hmangin, thusawi tawi engemaw zat neih a ni bawk.
