Nimin khan Champhaiah ni 2 awh tur NLUP Workshop Champhai Town Hall-a buatsaih chu, Pu JH Rothuama, Revenue Minister leh Champhai South bialtu MLA ni bawk chuan NLUP Exhibition Chanem Building Ground Floor-a neih nen a hawng. Exhibition-ah hian NLUP hnuaia hmala mek Department hrang hrangten an hmalakna leh an hnathawh thlalakte an pholang
He Workshop Champhai DC Pu Vijay Kumar Bidhuri, IAS kaihhruaiah hian Pu Zorammuana, Secretary, NLUP Implementing Board chuan NLUP chungchang sawi hawnna hun a hmang. Khuallian Pu JH Rothuama chuan thu sawiin NLUP hi kum 10 kalta hmalamah khan kan lo kalpui tawh a, engemaw chen hlawhtlinna pawh kan hmu a, amaherawhchu duhthusamin a hlawhtling lova. Hun hmasa lama kan lo tihsual tawh hrerengin a ram leilung, sik leh sate zirchianga awmze nei zawka kalpui mek ani. NLUP hi Congress Party au hla mai ni lovin sorkar programme pawimawh a lo nih tak avangin a hlawhtlinna turin sorkar chuan theihtawp a chhuah mek a, Zoram mipui zawng zawng pawhin mawhphurhna thui tak kan nei a ni a ti. A sawi zelnaah Minister chuan he NLUP hi fimkhur tak leh tihtakzeta kan tih a ngai a, kan hlawhtlin loh chuan central-in sum pawh min pe duh tawh lovang tih a hlauhawm a, a pawisa dawngtu mai ni lovin a thawktute pawh kan fimkhur a ngai hle a ni. Kan ram sik leh sa siamtha tur chuan kan ramngaw neih sa humhalha NLUP hmanga ram ngaw siam belh turin kalkhawm mipuite chu a chah nghal bawk.
Khualzahawm Pu KS Thanga, Parliamentary Secretary, Agriculture pawhin thu sawiin, NLUP hi mi thenkhatin sawichhiain mipuite tichiai leh beidawng zawnga an lo sawi anih pawhin sorkar chuan chak takin a kalpui zel a. Central sorkarin NLUP hi state hnufualte khaichhuahna atana programme tha tak nia a hriat avangin a tira hisap aia uluk lehzuala inbuatsaih a ngaih avangin a dawngtu turte, a enkawltu tur department hotute pawhin an hriatchiana NLUP hi Mizote tana innghahna tlak programme anih ngei theihna turin fimkhur tak leh muang zawka kalpui mai ani a ti.
Pu PL Thanga, Vice Chairman, NLUP Implementing Board Committee-in power point presentation hmangin Mizoram State leh sorkar laipuiten NLUP hlawhtling taka kalpui anih theihna tura hma an lak dan chipchiar takin a tarlang a, tun atana sum ruahman Rs.2586.89 crores pawm anih dan pawh tarlan tel a niin zawhna leh chhanna hun hman a ni bawk.
Vawiin ni 2 July, 2010 hian he workshop hi chhunzawm leh a ni a, Champhai District huamchhunga khawtin aiawhte hnenah zirtirna pek a ni ang
Khualzahawm Pu KS Thanga, Parliamentary Secretary, Agriculture pawhin thu sawiin, NLUP hi mi thenkhatin sawichhiain mipuite tichiai leh beidawng zawnga an lo sawi anih pawhin sorkar chuan chak takin a kalpui zel a. Central sorkarin NLUP hi state hnufualte khaichhuahna atana programme tha tak nia a hriat avangin a tira hisap aia uluk lehzuala inbuatsaih a ngaih avangin a dawngtu turte, a enkawltu tur department hotute pawhin an hriatchiana NLUP hi Mizote tana innghahna tlak programme anih ngei theihna turin fimkhur tak leh muang zawka kalpui mai ani a ti.
Pu PL Thanga, Vice Chairman, NLUP Implementing Board Committee-in power point presentation hmangin Mizoram State leh sorkar laipuiten NLUP hlawhtling taka kalpui anih theihna tura hma an lak dan chipchiar takin a tarlang a, tun atana sum ruahman Rs.2586.89 crores pawm anih dan pawh tarlan tel a niin zawhna leh chhanna hun hman a ni bawk.
Vawiin ni 2 July, 2010 hian he workshop hi chhunzawm leh a ni a, Champhai District huamchhunga khawtin aiawhte hnenah zirtirna pek a ni ang
