Vawiin chawhma dar 10 atang khan I&PR Conference Hall-ah Champhai District khaw hrang hrang atangin PMEGP loan diltute tan interview buatsaih a ni.

Vawiin interview Pu Sangdingliana, IAS Champhai DC kaihruai ah hian Pi Lalnuntluangi, DVIO Champhai KVI Board chu Member Secretary niin SDIO, DIC Champhai leh SBI, MCAB, MRB atangin Branch Manager ten he interview hi an conduct a ni.

PMEGP Loan diltute hian Trade hrang hrang - Carpentry, Electronics, Steel Factory, Tailoring etc. ah te an dil a, MKVI Board hnuaiah diltu - 181 leh DIC hnuaia diltu - 48 an awm a ni. Interview hi naktuk lamah pawh chhunzawm leh a ni ang.

PMEGP Loan hi mi harsa thiamthil nei bul tanna tur nei lo te leh lehkhathiam hna neilo ten eizawnna bul an tan theih nana buatsaih a ni a, kum dangah pawh he loan hi mi tam tak hnenah pek chhuah a ni tawh thin a ni.