Disaster Management & Rehabilitation Department buatsaih a chhiatna laka school naupangte himna tur chungchanga joint inspection neih mekah vawiin 12.8.2014 khan L.R. Higher Secondary School, Khatla enfiah a ni a. Inspection Team hian a tum ber chu chhiatna lo thleng thei laka school naupangte himna turin school hian eng hmalakna nge an neih tih enpui a ni.
He inspection hi Magistrate Pu Rolungmuana, SDC & Nodal Officer, DM&R Branch, DC, Aizawl District kaihhruaina hnuaiah member te : Pu Lalremmawia, Section Officer, Fire Serivces, Aizawl; Pu Dennis Lalhlimpuia, Civil Works Coordinator, SSA; Pi Irene Lalmuanzovi, District Project Coordinator, NSSP, Aizawl District; Pi Zotinkimi, District Project Coordinator, NSSP, Serchhip District; Pi Laldingliani, Account Officer, NSSP leh Pi Lalrinpuii Tlau, Mitigation Officer, GeoHazard ten an nei a ni.
Hemi rual hian National School Safety Programme hmanpui an niin, chhiatna lo thleng thei laka zirtirna pek nghal an ni. Disaster chi hrang hrang laka inven dan te, school building leh inchhung bungrua awm ten chhiatna a thlen theih dante leh inven dante zirtir an ni bawk.
Naupangte himna (safety measures) la tha lo school chunga a tul anga Authority in hma a lak turin he Inspection Team report hi Government ah thehluh a ni ang.
