Vawiin chawhma dar 10:00 khan I&PR Conference Hall Champhai ah ‘One day Training of Police Officer Champhai’ neih a ni. Nileng awh tur he training hi DAPCU (District AIDS Prevention & Control Unit) in an buatsaih a ni.

Training kaihruaitu Dr. C. Lalzirliana, CMO, chuan AIDS chungchang hi mitin in kan hriat vek tawh hnu leh thil thar a nih loh thu sawiin invenna leh in enkawlna kawngah erawh inthlah dah na chi a ni lova uar leh nasa zawka kan in hrilhfiah zel a tul thu a sawi a.

Aids hi kum 1990 velah khan Aizawl-ah thisen test na atangin vei an awm ve a ni tih hriat tan a niin Champhai ah chuan kum 2002 chho atangin test a ni chauh a. Test hma phei chuan engtia rei nge Mizoram ah a lo awm ve tawh hriat chianna tak awm lo mah se Aids rawn awm na hi a rei ve tawh a ni tiin CMO Dr. C. Lalzirliana chuan sawi a. Aids veite nat dan lo lan chhuah dan ah hian chutiang khatiang natna tih bik a awm chuang lova. Eng natna pawh in a rawn lan theih avangin thisen test zel hi a pawimawh a. In hre miah lova lo vei a, chuan in hre chiang sa a in enkawl chu a tha fe zawk a. A damdawi leh test hrang hrang pawh ART Champhai atangin a thlawnin a lak theih vek a ni tiin Champhai CMO chuan mi in Aids a lo vei a nih pawhin damdawia enkawl vat chuan rei tak dam theih a nih thu a sawi a. A bik takin Police/Sipai te chu nupui te tel lova rei tak tak hnathawk thin an nih avangin hetiang kawngah fimkhur tur leh a khat tawk a thisen test thin turin a chah a ni.

Vawiin training ah hian Dr. R. Zonunmawii, DPM, DAPCU, Pu Lalbiakzuala, DIS leh Pu Lalchhuanawma, M&E Asset ten Aids chungchang leh a kaihhnawih hrang hrang an sawi fiah a. Police officer thahnem takin he training hi an hmang a ni.

Chawhnu lamah DAPCU leh Chamohai Police Officer te hian Site Visit neiin ART Centre, New Horizon DIC leh ICTC te an tlawh kual leh nghal a ni.