Vawiin chawhnu khan DC Conference Hall-ah Champhai District Election Observers hovin meeting neih a ni a, hetah hian DEO, ERO, AERO, MLA Candidate Agent te bakah Expenditure Committee Accounting Team te an tel.

He meeting-ah hian vawin ni thlenga Champhai District chhung A/C 5 a political party tinte chetlak dan thlirletna neih a niin, political party te bakah mimaltinten an mawhphurhna chiang taka an hriat atul thu leh dan ang taka thupek kenkawh anih tur thu tarlan a ni a, political party flag tarin tum khatah lirthei 3 bak a ruala inzui phal loh anih dan te, mimal in leh compound chhungah poster leh banner tar dawnin a neitu phalna bakah Election Officer hnena phalna lak hmasak atul thu sawilan a ni.

Political party hrang hrangten khawlai dung, vantlang hmun leh lirthei a Poster leh Banner tam tak an tarte chu Election Officer te remtihna tello chuan dan kalh leh an chungah hremna lek theih anih dan tarlan niin, phalna la hmasa loten dan in a phut ang taka engkim titurin chah nawn leh an nih bakah an senso te Expenditure Account-ah felfai taka pek tur anih thu sawilan anih bakah karleh thawhleh ni hian Expenditure Observer in Candidate tinte Expenditure Account a enfiah dawn thu dawn ani bawk

Champhai District chhunga candidate te insensona tur chi hrang hrang lirthei hman mante, Hallhman mante, chanchinbu a thuchhuah siamna man leh sum senna tur hrang hrangte Expenditure Committee kaltlangin bituk fel vek a ni.