Nimin khan Inthlanpui lo awm tur thlithlaia Kolasib District chamchilh mektu Observer pali Narmdeshwar Lal, IAS, Venkatesh Sharma, IFS, CS Rao, IFS leh Sayed Ulfat Hussain, IPS te chuan Kolasib DC Conference Hall-ah DC Pu R. Lalramnghaka kaihhruaiin Election puala din Team hrang hrangte leh Media mite nen inkawm hona hun an hmang .

Observer te hian Kolasib eh Mizoram hmun dang pawh hmun ralmuang leh nuam tak a ni tih an sawi a. Tun tum Inthlanpui pawh hi tluang leh felfai taka neih a ni dawna an hriat thu te an sawi a. Inthlan thila hriat fiah duh leh zawh duh an neih apiangte an hnenah hian zawt thin turin an chah a. An thlenna hmun PWD Staff Lodge leh Circuit House ah te zing dar 9 leh dar 10 inkarah biak theih an nih thu sawiin inthlan zawh fel a nih hma chuan Kolasib District hi an chamchilh dawn a ni.

Team hrang hrangte hian an hmalakna theuhte report an pe a. Tun dinhmunah Kolasib District chhung Assembly bial thumah buaina leh harsatna awm lovin inpuahchahna tluang taka kalpui zel a ni. Inkawmhona hunah hian MLA candidate thenkhat pawh an tel a ni.