Vawiin chawhma dar 11:00 khan Champhai DC Conference Hall ah Champhai North leh Champhai South A/c te tan Presiding Officer’s Diary thlirletna neih a ni

He hun hi Pu Lalthangpuia Sailo IAS, Champhai District Election Officer ni bawk chuan a kaihhruai a, DEO chuan, tun inthlan bak hi hetianga Presiding Officer’s Diary endikna hun a awm thin leh awm thinloh a chianloh thu a sawi a, engpawhnise, inthlan ni a Party tinte chetdan thlirletna neih chu danin a phut avanga tih a ngaih thu a sawi. Champhai North leh South chhunga Polling Station tina Presiding Officer ten Polling Duty an hmuh dan report chu Santosh Kumar IAS, General Observer chuan a nei a, he Presiding Officer’s Diary ah hian vote thlak ni a Polling Station chhung leh a Area-a Party Worker leh Candidate te chet dan leh awmdanah Conduct Rules kalh an awm em tih enfiahna hrang hrang a awm bawk a ni. Champhai North leh Champhai South ah hian chutianga chet dan mawilo lutuk hemi hi hian a awm hriat a nilo a, heng bakah hian Electoral Roll-a voters awmzat leh Booth tina vote tla zat a inmil leh milloh chungchangte enfiah a ni bawk a ni.

Presiding Officer Report hi Santosh Kumar hian a ngaithlain, complaint engmah a awmlo tih Party tin aiawh/Agent ten an signed hnuah Envelope Seal hnan a ni a, hengte hi Election Commission of India ah thawn thlak leh tur ani.