Vawiin chawhma dar 11:00 hian I&PR Auditorium ah Pu J.H.Rothuama, Minister of LR&S, Excise & Narcotics in Champhai District a JNNURM hnuaia Integrated Housing & Slum Development Programme (IHSDP) hmanga mirethei insak tanpuina (Last Batch ) kalpui mek chu a hmanpui.

Thusawiin khuallian Pu Rothuama chuan Khawvel ram than chhoh zelna ah tunah hian USA in hmahruaiin China in a dawt a, India chu pathumna anih chhoh mek naah India ram chuan a ram chhung State hrang hrang a mirethei te dawmkan chhoh chu a hmalak mekna pawimawh tak pakhat anih avangin hetianga mirethei insakna te pawh Mizoram in kan lo neih dan pawimawh tak tak te a sawi a.Champhai atanga hetianga In 450 lai sak a lo ni ta chu lawmawm a tih thu a sawi a. Kan Zoram hi kan hmangaih a, a leilung, ramri leh mihring kan inhumhalh angaih thu sawiin Minister chuan kan ngaihtuahnate senga Sorkar atanga kan sum hmuh te a riral zawng ni lovin, a thang zawnga kalpui thiam a tul thu leh Sorkar leh UD & PA in In an sak sak mai ni lovin mahni in tur an sa a ni tih hria a ,mahni in tur sakna dawngtu zawng zawng in insen belh pawh in huam mai tur tiin tuna hetianga In sakna tur la hmu ve lo te chu mahni awmna VC theuh ah lo in report tur in a chah nghal a, a tul dan anga Sorkar in hma a la lakpui zel tur thu a sawi bawk.

Pu.J.H.Rothuama chuan NLUP chu a tawp mai dawn lo a, he Scheme hi a puitlin chhoh zel nan hmalak chhhoh zel tur ani a, a dawng ten tha kan thawh hian rah duhawm tak a chhhuah dawn tih I hria ang u tiin Mizoram buai atanga lo tluchhe tawh te leh rahbi tleu laklawh tawh te khaichhuah na tur a nih avangin NLUP hi a kal zel dawn a, India ram chu sawi loh Khawvel ram dang te pawh in an la hman ngai loh anih avangin trade thlan dan ah te fimkhur a tul thu sawiin NLUP hi Congress tan chauh a ni lova, zoram mipui rethei zawkte khai chhuahna tur a ni tiin kan fate tan he ram hi Ram Nuam ah I siam ang u tiin kalkhawm te a sawm a ni.

Khualzahawm Pu T.T.Zothansanga Champhai North Bialtu MLA pawhin thu sawiin tunlaiah mi ten khawpui lama inbenbel an tum nasa hle a, Aizawl khawpui chauh ni lovin District khawpui dang te pawh an pan nasa a, chuta mipui lo tawt ta enfel tur in sorkar in UD & PA Department hi a ruat a.ram in min daih loh avangin tun atanga hma lak a fel theih nan deptt. pawh in tan an lak a pawimawh thu a sawi a. Champhai atanga In 450 tanpuina hmu an awm chu a lawmpui thu sawiin vaw lehkhata pek vek theih a nih loh avanga 1st & 2nd Batch a then a ni a, tuna mi hi a hnuhnung ber Last batch an nih thu tarlangin a dawngtu te chu tangkai taka hma la thiam tur in a ngen a. Kan ram humhalh a tul thu a sawi chhuak bawk a ni.

Urban Development & Poverty Alleviation Department hian khawpui tih hmasawn hnate, khawpuia miretheite chawikan hnate hi a mawhphurhna a ni a. JNNURM hnuaia IHSDP hmangin District Headquarters khawpui paruka mirethei chhungkaw 1950 tan insakna tur kalpui a ni tawh a. Champhai khawpui tan hian Central sorkarin chhungkaw 450 chenna tur insakna leh infrastructure siamna atan Rs.776.65 lakh a approved tawh a, Chhungkaw 287 chenna tur in sak hna atan hma lak a ni tawhin heng zingah hian chhungkaw 238 te chuan in an sa zo tawh a.Chhungkaw 47 in tunah hian an thawk mek a ni. Tunah hian chhungkaw 450 atanga la bang zawng chhungkaw 163 tan insak hna hi thawh leh tura ruahman a ni. Champhai IHSDP hnuaia hmalaknaah hian mirethei in 450 sak bakah infrastructure Component engemawzat a awm bawk a ni.

Champhai D.C Pu Lalthangpuia Sailo kaihhruai he programme ah hian Pu Vanlalmawia, Jt Director UD&PA in Technical & Achievement report a pe in, Pu Lalenglawma Pakhuangte, DUDO in lawmthu a sawi a. Insak tanpuina dawngtu chhungkua 450 te hnenah Pu T.T.Zothansanga, Champhai North bialtu leh, Pu J.H.Rothuama Champhai South bialtu in an bialte hnenah release order an sem chhuak a ni.