Vawiin chawhma dar 11.00 am khan Champhai-a I&PR Conference Hall-ah Right to Information Week hman a ni a, Champhai DC Pu Vijay Kumar Bidhuri IAS, chu Khuallian a ni a, I&PR Director Pu Jim K. Chozah-an he hun hi a hmanpui bawk.
Khuallian DC chuan thusawiin India ramah kum 2005 atang khan RTI Act hi hman tan a niin kumin hi a kum 7-na a ni tawh a, RTI hi sorkar hnathawkte ta a ni lova, mipuite ta leh an hman tangkai tur a ni. India ram hi Democracy ram, mipuite lalna leh mipui ten an duh taka an thlan tlinte rorelna ram a ni a, chuvangin mipui hi kan dah lal ber tur a ni a, mipuite leh sorkar hnathawkte inkarah lang tlang tak leh thup nei lova hna kan thawh chuan he democracy hi a lo thangduangin hma a sawn zel dawn a ni, a ti.
DC chuan RTI awm hma kha chuan Sorkar leh mipui inkarah kak zau tak a awm thin a, RTI Act hman anih hnuah zawi zawiin tih zim a lo ni ta a, tunah chuan mi tupawhin sorkarah zawhna an zawt thei a, chu chu a rang thei ang berin chhanna pek tur a ni. Hei hian mipuite tan sorkar-in eng angin nge hna a thawh a, eng angin nge sum a hman? dik takin a hmang em? tih te a zawt chhuak thei dawn a ni, a ti.
Khuallian chuan RTI hi tun thlengakanhman tawh danah chuan duhthusam la ni lo mahse kawng tam takah a hlawhtlinnakanhmu tawh a ni. Champhai District hian RTI zulzui tho, District Grievances & Redressal System kan nei a, he system hmang hian kan district chhung ami tupawhin Department hrang hrangah harsatna emaw, hriat duh emaw an nei anih chuan awlsam takin a pui thei dawn a ni, a ti a, RTI Wek hmang tura kalkhawm te hnenah lawmthu a sawi a ni.
Keynote Address petu I&PR Director Pu Jim.K. Chozah chuan Democracy hi khawvela ram ro inrelna tha ber a ni a, mahse a nihna ang takinkanla hmang lo a, mirethei leh mihausa, mi thilti thei leh theilo tekaninthlau em em a ni. Hetihlai hian Democracy rorelna tho Khawthlang ramah hlawhtling takin an kalpui si a, hei hi RTI dan tha taka an kalpui vang a ni tih hmuhchhuah a ni a, hemi zul zui hian RTI Act hi kum 2005 khan Parliament-in pass a niin India ram pumah hman tan a ni ta a ni. RTI in a tum ber chu Democracy that tawk lohna lai siamthat a ni a, chumi atana hmanraw tangkai takkannih chuankanlawm tur a ni. Mipuiin RTI hmanga zawhna an rawn zawh hiankandiklohna hailan tumna ngawr ngawrah ngai lovin insiamthat nan hman tum ila RTI hikanlo dawngsawng fuh dawn a ni. RTI hi tha takin lo dawgsawng ila, mipuiin an thil hriat duh te tha tak leh nuam ti takin lo chhang ila, Ram siamthatna ah hna ropui takkanthawk ve tihna a ni dawn a ni, a ti.
Champhai (BDO) Pu Pachhunga’n kaihruaiin RTI Week hmanna ah hian kalkhawm ten zawhna an neih hrang hrang te in hrilhfiah a ni a, Officer rual kalkhawm ten SPIO leh SAPIO ruat danah thil fel tawk lo a awm nia an hriat te an sawi chhuak a, SPIO leh SAPIO nihna hi Head of Office hna chelh vang ni lovin a mimal hmingin in chelhtir thin a ni a, tuna Champhaia Officer awm tam zawk hi tun hnaia awm an nih avangin SPIO/SAPIO nihna pek an la ni lo a ni, tiin mipuiin zawhna an zawh te kan lo chhang ve ngawt thiang lo a ni, an ti a, chuvangin Sorkarin a tharin ruat leh se tha an tih thu an sawi a ni.
Hemi hnu hian DIPRO Pi K. Laldingliani’n lawmthu sawina a nei a, hemi hnu hian inkhawm tih tawp a ni. Champhaia RTI Week hmannaah hian Department hrang hranga Officer te, NGO te leh Press mite an kal tha hle.
