Medical Council of India (MCI) chuan Central Sawrkar remtihna in Graduate Medical Education 1997 chu a siam danglam a, kum 2013 atang chuan MBBS zirtur te chuan Single Eligibility cum Entrance Test (NEET) neih tawh tur tiin a rel a, he Exam hi a hmingah National Eligibility cum Entrance Test NEET) tih a ni.

Dental Council of India pawh in BDS Course Regulations, 2007 chu siam danglam (Amended) in kum 2013 atang chuan BDS zirtur te chuan NEET exam hi an pass ngei tur a ni a ti bawk.

Medical Council of India leh Dental Council of India te chuan NEET Exam buaipui tur hian Central Board of Secondary Education (CBSE) te hi an thlang a ni.

Tichuan CBSE hian kum 2013-2014 session MBBS/BDS zir tumte tana NEET exam chu 5th May, 2013 (Sunday) ah hian a buatsaih dawn a ni.

Medical Council of India leh Dental Council of India ten an approved Institutions a MBBS/BDS zirtur te chu NEET (under-graduate, 2013) a merit list atanga thlan tur a ni ang. 

Medical Council of India website www.mciindia.org ah NEET, 2013 syllabus hi en theih leh download theih a ni e.

NEET 2013 exam tum zirlaite chuan online in Application mahni a submit tur a ni. 

Hrechiang duh chuan Technical Wing, Chaltlang ah emaw CBSE website www.cbse.gov.in leh www.aipmt.nic.in ah te zawh/enfiah theih a ni e.