Vawiin khan I&PR Auditorium Hall Chanem Building,Champhai ah NLUM Beneficiaries te tan Financial Literacy campaign neih a ni.

He hun hi UD&PA leh Apex Bank tangkawpa buatsaih niin, Pi. V Lalmuanpuia, DUDO Champhai chuan a kaihruaia, Pu Lalthanpuia, General manager Mizoram Co-Operetive Apex Bank chuan thu sawiin, Self Help Group din hi a pawimawh em em rualin, Loan la a, Pawisa la chhuak vek tawh, mahse, engmah tileh tak tak silo, Pawisa chiah duha, rulhna tur nei leh siloa tlanbote pawh sawi tur an awm thu a sawi a, kum hmasa lama loan puk ve ngawt, rulh nachang hre leh silo hoin bank an tihbuai thu sawiin, kumina loan la ho hi chuan kum hmasa lama hmingchhe tawh kha thaibo veka, loan tha taka rul turin a chah bawk.

Pu Thanpuia chuan, mi dik tan chuan eng Bank pawh hi an inhawng em em vek a, mahse, mi diklo tan erawh chuan pan buai duhlo law law turin vawiina kalkhawmte chu mi dik tak tan chauh loan chu puk tur a nih thu a chah bawk. 

Pu Rabi Shankar, District Development Assitant Manager , NABARD Champhai pawhin thu sawiin, Self help group hi keimahni kea kan din theih nana din a ni a, pawisa kan hlawhchhuah leh kan khawlte Bank lama dah uar turin a chah a, Bank-a kan dah hian a him bakah kan pawisa khawl ah nasa takin hma min sawntir thei a ni a ti bawk. 

Hei bakah hian Sum khawih dan leh Bank nena inzawm dan turte zirtir an ni a, Social Security Scheme hrang hrang te hrilhhriat an ni bawk. 

Vawiin hunah hian Self help Group dintu hrang hrang group 40 atangin member 3 theuh kohkhawm an ni.