Ni nga chhung awh tur ‘Training on Pensioners’ Database Management System for Drawing and Disbursing Officers (DDO’s) and Pension Dealing Hand’ chu Pu R.Lalbiakthanga, Chief Controller of Accounts, Accounts and Treasuries chuan vawiin Dar 10:00 khan Accounts and Treasuries Conference Hall, Chanmari Aizawl-ah a hawng.
He training hi Treasury Wise a neih tura ruahman a ni a, hetiangin :-
1) Ni 27.6.2016 (Monday) ah Aizawl South Treasury huam chhunga DDO awmna Head of Office-te hmun hnihah thenin chawhma leh chawhnuah an inchhawk ang.
2) Ni 28.6.2016 (Tuesday) an Aizawl North Treasury huamchhunga DDO awmna Head of Office-te hmun hniha then lehin chawhma leh chawhnuah an inchhaawk ang.
3) Ni 1.7.2016 (Friday) chawhma-ah Champhai Treasury huamchhunga DDO awmna Head of Office te
4) Ni 1.7.2016 (Friday) chawhnuah SerchhipTreasury huamchunga DDO awmna Head of Office te.
5) Ni 5.7.2016 (Friday) chawhma-ah Kolasib Treasury huamchhunga DDO awmna Head of Office te
6) Ni 5.7.2016 (Friday) chawhnu-ah Mamit Treasury huamchhunga DDO awmna Head of Office te.
Chawhma lam hi zing dar 10:00-ah tan thin a ni anga, chawhnu lam chu tlai dar 1:00-ah tan a ni ang. He training-ah hian District hrang hrang - Aizawl, Kolasib, Champhai, Serchhip leh Mamit huam chhunga DDO-te leh an Office theuha Pension khawihtu-te chu kal tura hriattir an ni.
Mizoram Sawrkar hnathawk hrang hrang Pension Case leh Family Pension Case te hi Accounts and Treasuries hnuaia Pension Section Staff ten an lo tihfel sak thin a. Awlsam zawka pension tihfel a nih theih nan te, Document leh Data te vawn that zawk a nih theih nan he Office-ah hian ‘Pensioners’ Database Manegement System chu hman ni tawhin, Ni 19.2.2016 khan Pu Lalsawta, Hon’ble Finance Minister-in a hawng tawh nghe nghe a ni. He training-ah hian PDMS (Computerization) hi tangkai zawka hman a nih theih nan, computer hmanga DDO ten Pension Paper leh Document-te an buatsaih dantur inhrilhhriatna a ni dawn a ni. ‘Pensioners’ Database Management System hi Department hrang hrang a DDO ten ataka an hman hunah chuan Pension Paper-te chu Hard Copy leh Soft Copy-in Sanctioning Authority (CCA) hnenah thehluh a ni thin tawh ang.
