Vawiin chawhnu dar 1 khan Champhai Bawrhsap Pu Sangdingliana IAS kaihhruainain DC Conference Hall-ah District Level Standing Committee neih niin Draft Publication of Electoral Roll 2015 tlangzarhna neih nghal a ni.

Schedule for Special Summary Revision 2015 chungchang sawifiahin Pu Sangdingliana chuan meeting hmasaa proposal hrang hrangte chu hlawhtling taka kalpui anih thu a sawi.

Pu Benjamin Lalzama SDO Election Officer nibawk chuan Roll-a lut tharte leh paih tur chungchanga Election Commission of India thuchhuak pawimawhte committee chu hriattirin Roll a thunluh dan tur atana hriattur leh ruahmanna siamte chu a sawi nghal bawk a ni.

He meeting-ah hian hming thun luh thar leh paih emaw tih dik leh dilna thehluh hun chhung atan October 15 atanga November 10, 2014 thleng hawn tih a ni a. October 17 atanga ni 30 chhungin khawtlang hruaitute nena Electoral Roll enfiah leh sawiho ni se, October, 18 atanga November 1 chhungin dilna form hrang hrang dawnkhawm leh BLA leh political party te nen sawiho nise tih a ni bawk.  Hei bakah hian November 30 ah dilna hrang hrangte chinfel nise, vote nei tharte tan EPIC siam leh supplement chhut leh print hun atan December 20 nise, January 5, 2015 ah Final Electoral Roll tarchhuah tur a ni ang.