Vawiin hian Champhai District Anti Tobacco Squad te chuan Burma ram atanga dan lo a foreign cigarette hrang hrang lak luh e.g., Valiant, Farstar, Hummer, Winbody, Classic, etc. hmanga sumdawnna a in hnamhnawih te hnenah squad drive an nei a, he hunah hian Section 5 leh 7 of COTPA hnuaia vaihlo fakmawina leh khap bawhchhiat a nih leh nih loh uluk taka enfiah a ni.

Tunlai hian Foreign Cigarette thenkhat, a bik takin Farstar leh Valiant brand name leh trade mark chuanna T-Shirt hmuh tur a awm nual a, heng T-Shirt te hi cigarette zuar chhawng tute leh mi thenkhatte hnenah a thlawn a sem thin a niin, commercial vehicle khalhtute bakah civil mi ten an ha hmuh a ni. Hetianga Vaihlo Product hming (brand name) leh trade mark chuanna T-Shirt sem darh/ theh darh hi vaihlo fakmawina (advertisement) leh tih larna (promotion) chi khat niin Section 5 of COTPA, 2003 bawhchhiatna lian tak a ni.

Dan lo a vaihlo fakmawitute chu Section 22 of COTPA, 2003 hmangin kum 2 thleng lungin tan emaw Rs. 1000/- thleng chawi tir emaw a npahnih a hremna pek theih an ni. Tin, dan bawhchhe nawn tu chu kum 5 thleng lungin tan tir bakah Rs. 5000/- thleng chawi tura hremna pek theih an ni.

Hemi ni hian COTPA Section 5 leh 7 bawhchhia, Foreign Cigarette Rs. 34050/- man hu lai man a ni. Heng thil man te hi Case siam sak nghal a ni.