Counter Insurgency and Jungle Warfare (CIJW) School a Deputy Commandant thar Brig. S S Mohite chuan vawiin khan Kolasib DC Pu H. Lalengmawia, IAS leh Kolasib SP Pu C. Lalzahngoa te chu DC Office Chamber-ah hmuin inkawmhona hun an nei.

He hunah hian CIJW School Deputy Commandant kalchhuak ta Brig. SK Ahuja pawh telin a hun chhung hian District Administration leh District mipuite nen thawhhona tha tak an neih avangin DC leh SP te hnenah lawmthu a sawi a. Mizoram chu hmun nuam leh ralmuang anih dante sawiin Mizoram a hun hman chu a hriat reng tur thu a sawi a. Kolasib DC leh SP te chuan Deputy Commandant thar chu duhsakna hlanin thawhhona tha tak an neih chhunzawm zel an beisei tih a sawi.

Kolasib DC leh District Sainik Welfare and Resettlement Office, Kolasib te chuan Brig. SK Ahuja hi ngaihhruina thilpek an hlan a. Brig. SK Ahuja hian sipai bangte hamthatna tur a ngaihtuah pui thin hle a tunhnai pawh khan District Sainik Office hi Xerox Machine leh Fridge thar te a lo pe tawh a ni.