1879/2026-2027

Dated Champhai, the 20th August, 2026: Vawiin khan District Education Office Education Training Hall Champhai-ah, District Level Students’ Science Seminar 2026 chu Pi K. Lalsiamliani, DEO & DPC (Samagra) kaihhruaina hnuaiah neih a ni.

Student Science Seminar-ah hian high school 12-a zirlaiten inelna an nei a. Written Aptitude test an neih hnuah Seminar Topic, “Indian Energy Basket 2027 : Prospects & Challenges” tih thupui hmangin Presentation leh zawhna leh chhanna intihsiakna an nei leh a. Rinchungnungi, Cl-X Govt GM High School chu pakhatna niin, Lalhmingthangi Cl-IX Pinehill Adventist Academy leh Lalengkimi Cl-IX Holy Mission School ten consolation prize an dawng a ni. Student Science Seminar hi Dr. A.Lalchhuangliana, Asst. Professor (Dept. of Mathematics) leh H. Zohmingliana, Asst. Professor (Dept. of Chemistry) Govt Champhai College ten an endik a ni.

Vawiin Student Science Seminar intihsiaknaa pakhatna hian September 2026-a Aizawla neih tur State Level Student Science Seminar-ah Champhai District ai a awh dawn a. State Level Winner hian October 30, 2026-a National Science Centre, Delhi-a neih tur National Science Seminar-ah Mizoram ai a awh chhunzawm leh dawn a ni.