Election Commission of India thupek SVEEP Special Drive 1st July – 31st July, 2017 chhunga polling station zawng zawnga neih tur bawzuina in vawiin khan Government Champhai College leh Einstein Higher Secondary School ah SVEEP Special Drive 2017 Awareness Campaign hun hman a ni.

District Election Officer, Champhai DC ni bawk Pu Vanlalngaihsaka IAS chuan kalkhawm te hnenah vote thlak pawimawhna sawiin Democracy rama khua leh tui tha ni tur chuan vote thlak hi tihmakmawh a nih thu a sawi a. Vote thlak hi kan chanvo (Right) a nih mai bakah kan tihtur (duty) a nih thu sawi a. India khua leh tui diktak, dan ina a phal bawk si te chu Electoral Roll a hming inthunlut vek turin kalkhawm te chu a ngen a ni.

He hunah hian Pu Lalremruata Kullai, Election Officer chuan Presentation hmangin SVEEP Special Drive 2017 chungchangah zirtirna a pe a. He Special Drive ina a tum ber chu India khua leh tui diktak kum 18-21 inkar vote la neilo te tana Electoral Roll a inthunluh a nih thu a tarlang a. Hemi bakah hian mipuite tana Electoral Roll a hming inziahluh, hming thlak, vote neihna insawn leh Election kaihhnawiha thil chi hrang hrang a lo awlsam zawk nana Internet kaltlanga kalhmang inzirtirna hun hman ani a. Election kaihhnawiha Form chi hrang Form 6, Form 6A, Form 7, Form 8 leh Form 8A chungchang inhrilh zauna hun hman a ni bawk a. Zirlai naupang kum 18 tling tawh vote la neilo te chu he hunah hian Form 6 pek niin Electoral Roll a an hming a tel theihnan form fillup tura ngen leh hriattir an ni nghal bawk.

Special Drive hi Champhai Addl DC, 24-Champhai South (ST) A/C Electoral Registration Officer ni bawk Pu CC Lalchhuangkiman a hmanpui a College leh School Principal, zirtirtute bakah zirlai naupang thahnem tak an tel bawk a ni.