Vawiin chawhma dar 11 khan I&PR Auditorium-ah Mahatma Gandhi NREGA hnuaia Champhai District-a BNRGSK building sa thar tur VC te tan training neih a ni.

He Training hi Pu Larry Lalbiaktluanga, Account Officer, DRDA kaihhruaiah hian Pu Zothamawia, Project Director, DRDA chuan hawnna thu sawiin BNRGSK building hi Champhai District ah 40 sak a ni tawh a, chung zingah chuan Chiahpui chu hmun hla leh kilkhawr an ni chunga a sa tha ber an ni thei chu fakawm a tiin entawntlak a tih thu a sawi a. He building sa thar turte chu mahni ta anga sa tur leh contractor rilru pu lo turin a chah a, a sa hmasa khaw 40 te aia thaa sa theuh turin a sawm bawk. Project Director chuan building pawn rawng hnawih chu a inang vek tur a ni a, VC te chuan he building in sak dan zawng zawng te endik leh theih vek turin an hnathawh dan vawng tha tur a ni, a ti. An hnathawh thlalak te pawh nei theuh turin a a chah a, hmun hla zawk atanga Champhai kal a hautak avangin tul leh mamawh chu phone hmanga inzawh thin nise, a ti bawk.

Hemi hnu hian DRDA a thawkte chuan BNRGSK in sak dan tur te, a hmunhma thlan dan tur te, in sakna bungrua hman tur te leh account vawn dan tur te zirtirna an pe a ni.

2011-2012 chhungin Champhai District ah hian Ngopa RD Block ah khaw 3 ah BNRGSK in hi sak thar tur a ni a, Khawzawl RD Block ah khaw 7 ah, Champhai RD Block ah veng 5 ah, Khawbung RD Block ah khaw 5 ah te sak thar tur a ni.