Nimin 2.2.2012 chhun dar 12:00 khan Mizoram State Tobacco Control Society bultumin Champhai DC Conference Hall-ah Zamzo Award hlanna buatsaih a ni.

He Award hlanna inkhawm kaihruaitu Pi Jane R. Ralte, State Nodal Officer, Mizoram State Tobacco Control Society  chuan Award buatsaih anih nachhan ber chu puipunna hmun leh sorkar office hrang hrangte meizuk khu lakah an dinhmun Air Quality Monitoring (AQM) (room chhunga boruak a thianghlim leh thianghlim loh khawl hmanga zirchianna) hmangin enfiah a ni a. AQM hian a teh ber chu room chhungah boruak thianghlim lo meizuk khu atanga in siam a awm leh awm loh a ni, a ti.

Ni 13 - 14 April, 2011 a Champhai District chhunga sorkar office hrang hrang, private office, restaurant leh hotel avaiin hmun 12 ah Air Quality Monitoring (AQM) hi neih a ni a. Data lakkhawmte chu USA lamah thawn thlak a ni a, chu chu Roswell Park Cancer Institute a mithiamten lo zirchiangin meizuk khu tam leh tam lohna hmun chu a hriat theih ta a ni He Zamzo Aawrd hi Champhai District chhunga meizuk khu tlemna ber pakhatna atanga pathumna hnenah hetiang hian sem a ni: 1st prize - District Minor Irrigation Office; 2nd prize - District Local Administration Office leh District Agriculture Office; 3rd prize - Superintendent of Excise & Narcotics.

Hemi zirchianna atanga meizuk khu tamna ber tarlan te chu : 1) Champhai Police Station; 2) Chawngthu Restaurant.

He Zamzo Award hi Pu Vijay Kumar Bidhuri IAS, Champhai District Deputy Commissioner chuan a hlan a. Dr. C. Vanlalhlua, Member Secretary in Champhai District report a pe a ni. Pi Mary Lalthansangi Sailo, District Coordinator chuan power point presentation hmangin AQM chungchang leh vaihlo leh a khapna dan chungchangte zirtirna pe in, Champhai District chhunga sorkar officer kalkhawmte chu anmahni hmun theuhah tun aia vaihlo khuahkhirhna dan (COPTA) tun aia chak zawka kengkawh turin a ngen a ni.