Vawiin khan Pu N.K. Chakma, Disaster Management & Rehabilitation Minister  leh Pu Alok Kumar Singh, Commandant, 1st Bn. NDRF, Guwahati te Office Chamber-ah an inkawm.

He inkawmnaah hian Minister hian chhiatna thleng thei laka invenna leh tanpuina hna thawh dan tura mipuite inzirtirna kalpui a nih mek dan te, tunah pawh NDRF tanpuinain 5th IR Bn Hqrs Sakawrtuichhunah 1st MAP leh 3rd MAP mi 50 training neihpui an nih mek thu te a sawi a. Mizoram tana thahnemngai taka disaster thila thawk dun turin a sawm a ni.

Pu A.K. Singh hian North East state paruk tan bika Guwahati-a hqrs. neia an awm thu te, chhanchhuahna hmanrua kimchang tak an kawl thute leh, chung an bungraw kawlte Mizoram tana pawimawh tur ena, an hmun tlawh turin Minister a  sawm a. National Disaster Response Force (NDRF) ten chhiatna thlen thulha chhanchhuahna pawimawh ber Copter/thlawhna an neih loh avanga harsatna an tawh thin dante leh chu an harsatna sukinga tura tanrual a pawimawh thu a sawi lang bawk.