Vawiin dar 12:00 khan Lunglei District Fire Prevention Committee chu Pu V.Sapchhunga, IAS, DC leh Chairman hovin DC’S Conference Hall ah an thukhawm.

Pu Kawlhnuna, DFO & Member Secretary chuan nikum lama hmalakna report pein, Mizoram pumah Lunglei District in kangmei laka invenna kawng a hmalakna ah Pakhatna an nih thu te a tarlang a, kangmei laka inven kawngah Lunglei District in pakhatna an hauh theih chhan chu Lunglei District a mitinte an fimkhur vang leh an tan tlan avang a ni, Committee chuan lawmthu a sawi rualin kumin pawh hian tan la zual leh sauh sauh turin a ngen nawn leh a ni.

Kangmei lak a invenna hapta hawnna inkhawm hi ni 7.2.2012 zing dar 7:00 hian Art & Culture Auditorium ah neih nise, khawpui chhung VC/YMA/MUP te tel tura sawm leh ngen an niin, kohhran tin hnenah pawh kawngmei ven kawng a, tan la leh turin ngen an ni.

Kangmei ven kawng ziak tha Chanchinbu thlanchhuah thin chu tih tawh loh nise tih a ni bawk.