Vawiin chawhma khan I&PR Auditorium-ah Champhai District chhunga High School leh Higher Secondary School- a vohbik naupangte (Children with Special Needs) enkawl dan tur - Integrated Education of the Disabled at Secondary Stage (IEDSS) chu zirtirtu thlan bik 66-te hnenah training pek a  ni.

He training, SCERT leh RMSA, Champhai buatsaihah hian zirlai naupang rualbanlo te chu hmangaihna leh lainatna nena enkawl an tul zia te leh, zirtirtute chu dawhtheihna an neih a pawimawhzia te hrilhin, enkawl dan tur leh zirtirna pek dan tur pawimawh tak tak te inhrilhhriat a ni.

Training pe tur hian SCERT (State Council of Educational Research and Training) leh RMSA atanga mi thiambik lokal ten zirtirna hi an pe a. Resource person te chu Pi Sangzuali Vanchhawng (Special Education Officer, SCERT), Pu Zothankima IEDSS, State Co-Ordinator (RMSA), Pi Zothanpuii Hangjo, Special Educator RMSA leh Pi Lalrengpuii, Special Educator RMSA te an ni.