Sorkar Laipui ruahmanna angin National Population Register hnuaia Biometric Enrolment (BME) chu rampumah kalpui mek a ni a. Vawiin khan Lunglei District chhunga BME chungchanga hmalakna awm tawhte leh hlawhtlinpui tawh chin chu Lunglei DC Pu Ashish Madhaorao More hovin ama office chamber-ah Lunglei DC Office-a BME kaihhnawih officials te, Hnahthial SDO(C) Pu Kannan Gopinathan, Lunglei District chhunga RD Block zawng zawng BDO te bakah ECIL aiawhte chuan an thlirho a ni.

Kumin July 2015 thlenga Lunglei District chhunga BME tih tawh chin chu hetiang hi a ni :    

Lunglei District chhunga nasa zawk leh awmze nei zawka hmalak a ngaih takzet avangin tun thla August 2015 chhung hian BME hnuaiah PEC Mobile Programme huaihawt mek a ni a. Mipuite pawhin an Veng/khua-a PEC Mobile Programme hun tur ngaihven a, thla lo lak tir ngei turin sorkar chuan a ngen theuh a. Mipuiin BME kan hriatlar zawk dan ‘Aadhaar Card’ hi tun atanga rei vak lovah chuan sorkar policy/scheme hrang hrang chhawr tangkai tur kawngah mamawh (compulsory) a ni dawn a, heng - pension, scholarship, eirawngbawlna gas (DBTL) leh dangte - ah te pawh mamawh vek a ni tawh dawn avangin mipuiten ngai pawimawh theuh turin sorkar hotuten an ngen tak meuh a ni. 

Vawiin meeting-a rel nih angin PEC Mobile Programme hnuaia Charge Officer-te chuan an bial chhunga Village Council, YMA, College leh School te hnenah ngenna siamin a tam thei ang berin enrolment ti ngei turin hmalak nise. Chu bakah Lunglei District chhunga Head of Offices theuhte pawh an hnuaia staff-te leh an chhungten BME ti ngei tura hriattir nise tih a ni bawk.