Nimin tlailam dar 2:30 khan Sesih Consumer Cooperative Society dawr sak thar chu Champhai District Cooperative Societies Assistant Registrar, Pu Zaliankhuma’n a hawng.

Dawr hawngtu Champhai District Cooperative Societies Assistant Registrar, Pu Zaliankhuma chuan Sesih Consumer Cooperative Society ten ICDP sum tlemte hmanga ram tha tak an lei thei leh dawr changtlung tak an sa thei chu lawmawm a tih thu sawiin, “Society-ten bungthar kan kai tan mek a ni,” a ti a. Champhai ARCS chuan Society hruaitute chu missionary rilru pu tura chah in, ram leh khawtlang tana theihtawp chhuah zel turin a fuih a. Society dawr thar hmanga mipui nitin mamawh chatlaklo leh man man zawka chhawpchhuak zel turin khuallian chuan Society hruaitute a sawmin, vawilehkhata hlawkna um lova, buangraw rate control kawngah pawh hma la zel turin a chah bawk.

Dawr hawn tak hi Sesih Consumer Cooperative Society ten Intrigrated Cooperative Development Project (ICDP) sum an dawn hmanga an sak a ni a.

He hawnna inkhawmah hian bialtu Inspector Pu Rothangliana Bawitlung pawhin member kalkhawmte fuihna thu a sawi bawk.