Vawiin chawhma khan Champhai DC Conference Hall-ah District AIDS Preventation and Control Committee (DAPCC) chu HIV/AIDS darh zel tur venna kawnga thawhhona dan tur ngaihtuahin an Chairman Pu H Lalengmawia IAS, Champhai DC hoin an thukhawm.

Chairman Pu H Lalengmawia chuan HIV/AIDS darh zel tur venna kawngah hian NGO leh Kohhran ang pawhin Awareness neih nasat a tul a tih thu leh, puitling mai bakah naupangte ah hemi chungchang hi zirtirna pek a pawimawh a ni, a ti a. HIV/AIDS dona kawngah hian Sorkar Department hrang hrang te pawhin a natna vei te kan ngaihsak zual a, mipuite pawhin hmangaihna leh lainatna nen ka enkawl a ngai a ni, a ti bawk.

He hunah hian Dr Zonunmawii, DPM, DAPCU hnen atangin HIV/AIDS chungchanga Champhai dinhmun leh HIV dona kawnga an hmalak dan chi hrang hrang ngaih thlak a ni a. Champhai chu Mizorama HIV/AIDS Positive rate tisangtu District pahnih zing a mi a nih thu tarlangin, a dona kawnga nasa zawka tan lak a tul thu a tarlang a. Champhaia Tlawmngai pawl hrang hrangte leh Police leh Excise Department-te bakah Sorkar Department hrang hrangte chu thawhho puiah a sawm bawk. Champhai District chhungah hian ART Centre ah hming 989 in register an awm a ni.

HIV/AIDS chungchanga zitirna hi kum khatah darkar 16 tal Zirna in hrang hrangin an neih theihna tur leh  Tlawmngai pawl bakah Kohhran hrang hrangah inhrilhhriatna Awareness Campaign neih a nih theih nan ruahmanna siam a ni bawk.