Vawin dar 11 khan DC Conference Hall, Mamit-ah Mamit District bialtu MLA te'n Model Village atan a an thlan Dapchhuah, Reiek leh Kanhmun te tan Saansad Adarsh Gram Yojona (SAGY) Scheme hmanga hmalak dan tur Pi Lalbiaksangi, Addl.DC Mamit, hovin zir a ni.

He hunah hian Pu V.Lalengmawia Deputy Secretary, State Nodal Officer SAGY in zirtirna pein SAGY hnuaia VCP te tihtur hrang hrang leh an mawhphurhna tur a sawi a. He scheme hnuaia sorkar hmalakna awmsa hrang hrangte nen a thawhho dan tur sawiin ziak leh chhiar thiamlo te dapchhuah a hmalakpui dan turte, Tui dahkhawlna tha siamdante, Tuihawk luan kawr felfai zawk siam dan turte, chhungkaw tin ten inthiarna mumal an neih dan tur te leh khawtlang hriselna hmalak dan tur chi hrang hrang zirtirna a pe a. Sawihona hun hman nghal a ni.

He hunah hian Sorkar laipui scheme hrang hrang a hmala tute leh Model Village atana puan khaw pathum atangin an VCP te an tel a ni.