Champhai DC Pu H Lalengmawia IAS chuan vawiin khan Bethel High School a tlawh a. DC hi Champhai SP Pu Meena IPS, Pu Lawmawma DEO, leh Pu C Hualrikhuma, Deputy DPC, RMSA leh Pu H Lalhminghmua, Deputy DPC, SSA ten an tawiawm a ni.

DC chuan thusawiin HSLC result chhuaka result tha tak an nei chu a lawmpui thu a sawi a. Champhaiah Zirna beihpui thlak anih tur thusawiin, chuta pawimawh ber chu zirlaite an ni a, zirtirtute chu a kawng kawhhmutute mai an ni a, zirlaite mawhphurhna a sang hle a ni a ti a.

Zirna kawng kan zawhah hian kumin result nei that leh that loh hian nakuma result a tih that leh that loh ahril lo a, result hriltu ber chu a zirlaia te an ni a ti a, thahnem ngai tak leh midang te el chunga kan zirlai te zir turin a chah a ni.

DC chuan, zirtirtuten Zirlai chhiar tam tur leh zirlai bu bakah mahni zirlai pui thei tur lehkhabu te chhiar tam a, hre chiang turin a chah a. Kan naupangte standard hrechiang a, an hriatthiam theih dan tur ber a zirtirna pe thiam turin a fuih bawk. Zirlai naupangte chu an zirtirtute aia tha zirtirtu hi Mizoramah an awm bik chuang lo a ti a, an zirtirtute chu ringtawk turin a chah bawk.

DC chuan, Mobile te leh social media, whatsapp te leh facebook te in tih buai tir lo a, theih tawp chhuah a lehkha zir tur leh mithiam chhawr tlak ni tur a zir theuh turin a duhsakna a hlan a ni.

SP RP Meena pawh in thusawiin, an lo puitlin hun a an career tur tun atanga thlang fel a, a hlawhtlin dan kawng ngaihtuah tan turin zirlai te chu a fuih a. Lehkha zir dan time table mumal tak nei a inbuatsaih te, rilru leh taksa hriselna ngaihpawimawh a tul thu te a tarlang a, naupangte atanga zawhna awm te a chhang bawk a ni.