Champhai District Bawrhsap thar Pu Lalthangpuia Sailo chuan vawiin chawhma dar 11 khan Champhai a thuthar lakhawmtu hrang hrangte a office ah lenga sawmin thingpui a in pui.
Pu Lalthangpuia Sailo chuan mithar a la nih avangin kawng tam takah media, NGO, official leh mipuite tawiawm leh puihbawmna a mamawh thu sawiin, a ni pawhin Champhai hmasawnna tur atana theih tawp chhuah a tum thu a sawi a. Champhai District chhunga khawl kel leh tlawhpawh harsa deuh te pawh MJA te nen tang hova tlawh chhuah a duh thu a sawi.
Vawiin inkawm hona ah hian Champhai District MJA te pawhin an Press Club sak mek chungchanga harsatna an tawhte DC thar hnenah hian an thlen nghal a. DC chuan an harsatnate chu a hmun ngeiah kalin a theih anga hmalak pui a tum a ni.
Kar hmasa tawp lam ni 25 October khan DC thar hian Champhaia a office uap tanin a hna hmasa ber ah media hote nena inkawm hona an nei thei chu Champhai MJA ten lawmawm an ti hle a. Titi ho pahin hmalak hona tur hrang hrang an sawiho nghal a. Vawiin inkawmhona ah hian Pu Zoengsanga, Addl. DC leh Pi K. Laldingliani, DIPRO te pawhin an tawiawm a ni.
